سلام الله على اللي قال انا ندٍ لولد عبود .. ابي يمناه تلقط سيفه المغمود وتسله
ولكن شرطي المشروط لا يزعل من المنقود .. ابي يشرب فناجيلي وابيه يسرب الدله

يا رجال كلكم واحد ابو مهلي والسبنتي وشهاب حياكم الله ياثلاثة في واحد

هلا يا مرحبا بك لا تمخطر كنك ابن سعود = ترى كل الحضور اتركب المسحوب وتشلّه
تقدم يالمقهوي واعرف ان النقص والاالزود = يبي يمرح معك ياراعي البرّاد وتعلّه

هلا باللي يغوص البحر ولامن غاص مامن زود *** يباري للزبد كله ويشرق بالزبد كله
انا مانيب ولد سعود ولابندر ولامسعود *** انا من لابة يقطع ذراها نجد والحله

ألا والك البقى يا منتخ بالعود ولد العود=تسمى بالمسمى بس شيل الاسم ما دله
مدام الناس حولك صايرين للفعول شهود=تصير سعود والا سعيد والا راعي الجلّة

الا يالمزنة اللي سابق ٍ برقك صليف ارعود = تلقاك الشمالي بالهبوب وبانت الخلة
ياراعى البندق اللي زاد مجرها على العبرود = تجي رميتك بين الناس يامحتاج مختلة

اولا: يا الصغير وش دخلك في المحاورة ثانيا: اعرف اقر الله يبارك فيك

(ياراعى) لازم تكتب كذا ولكن تقرا ياراعالبندق ارجو ان تفهم . على قد مانت نشبه وغثيث على قد مانت تضّحك وتوسع الصدر وقصيدك جزل

ثالثا : ما قرات موضوع المسؤول وش يدخلك في محاورة ما تخصك وتترك اللي يخص انظبط الله يصلحك واثقل ترى الثقل زين.

الغريب يا لصغير انك ما تلاحظ على( ال سبنتي) شئ وش السر في ذلك مع وجود ماهو واضح .

بل اكتبها إلى هذا الحد ( يراع البندق ) وخل السبب خوف اللبس على بعض الضعاف مثل الشاعر الصغير واختلال الوزن 0 فالوزن أهم ، والحذف أعم 0 وأبقصر الكلام حتى لا يطول الجدال 0