لد عينك يالعبيدي عسى ربي يعين***فوق راسك مزنة يشتعل براقها

يالعبيدي لا تفكر تحوش الارنبين***لين تحفي رجلك اللي طويل ساقها

العبيدي لا سرا الدرب يمشي فاليمين = فوق راسه ظلة ٍ ربي اللي ساقها

لو لي فيها نظر ما تركت ابا الحصين = يختلي معها وهو علة ٍ قد ذاقها

الله انه يرزقك ياعشير الغانمين***من خلق خلقه تكفل بها وارزاقها

الدجاجه لو خذوا من طرفها بيضتين**من كرمها ياعلي ما تضيق اخلاقها

ليتنا من حجنا يا محمد سالمين = بعض خلق الله ودك يدوم افراقها

يوم عشّيناك مالذود مفرود ٍ سمين = قمت تنكر طامع ٍ في نفيس انياقها

من تحسف بعد ما حج شيطان مبين***يا خيام مايرد الهبوب ارواقها

لو جلستوا عندنا في رياض الصالحين***كان اعشيكم ركاب طوال اعناقها

ما تحسفنا ولكن لحقناالزين شين = والمطوف حاس سيرالحجيج وحاقها

لوجلسنا فالمدينة نبي دنيا ودين = من يجننبناوجيه ٍكثير انفاقها

منت لايق لي وحنا نعرف الايقين***شعلة ما غرنا جمرها وشعاق ها

اثر نفسك هايبه مانهرج الا يقين***عن مناويها ورغباتها وش عاقها