يالعبيدي سلام لك يا عسى عمرك طويل .........يالعبيد كان في راسك شعر خذني قبيل
ادري انك شاعر وانت الاصيل ابن الاصيل......الشتا والصيف عنوان الفصول الاربعه

مرحبا باللي عطالموال ماساق البيوت = هو من اهل الدار ولا لافي ٍ من حضرموت

مار انا بلعب معه والسلك سلك العنكبوت = والشتا والصيف عنوان الفصول الاربعه


صاحبي ياصاحبي لاتعذر بالصلاة = ني نصلي ثم عقب الصلاة الناحديث

كان لك نية نوديك لجبال السراة = خل مشيك مع رفيقك على الطرقه حثيث

خيطي الليلة اقوى.. والحصن حصن منيع=لو تبى تحد شفرتك تقطع مايطيع
مار هالليلة نعدي والخـــط خـــط السريع=الشتاوالصيف عنوان الفصول الاربعة

منتاه امودي اليوم ولا ليا مراة=مار صل صلاتك لا يلهيك الخبيث
انا وياك اليوم كل له امباراة=وانا لك العصر لا يعبث بك عبيث

[color=8B0000]والله ان الحصن يارجال من خوص وجريد = والعبيدي في يده سيف ٍ شطير من حديد

وانت مثلك ياعميل الخير عرفه مايفيد = والشتاوالصيف عنوان الفصول الاربعه[/color]

غرني فالدرب زول ٍ ولا شفت الحصاة = مارجعله فالمدينه يموت بلا وريث

ياسفاب الوقت روح ولا شفنا غناة = ماش صيد وصاحبي يلحق الخطوة لهيث

اعتبر نفسك من اليوم ما كتبت وما قريت=واعتبرني معي بندق وتوي ما رميت
قـلي اريحـك اعطـيك شفـت وثـم ديليت=الشتاوالصيف عنوان الفصول الاربعه

انت في هاليوم عطش في وسط الفلاة=مار ماني ناكر جميل ولاني نكيث
الغنا في النفس والمال فيه الزكاة=كيف ابلهث وانا قدامك اليوم ليث

من قال توقيعك يالصغير من جميل التواقيع=ومن قال حنا نرد البيت بيت الوراعين
انا اللي اعطي ضيوفي..الشياه المرابيع=عاده انت اللي تلبس لك ثياب الفساتين