السلام عليكم ورحمة الله وبركاته :


هذه قصيدتي المتواضعة وأتمنى أن ترتقي لذائقة الجميع هنا :



عايش مع الناس لكن , مبتعد عنها

ناسٍ تجيني وبعض الناس مااجيها

النفس عن (( عربدات النفس )) ساجنها

والرجل مطلق (( لبيت الله خطاويها ))

خاويت عن (( ماجن الأصحاب )) ديّنها

والناس ماتُعرف الا من مماشيها..!!

من سيئات البشر , آخذ محاسنها

والمقفية , مقفية ماني براعيها..!!

ماأدني (( المشيخة )) ولاأواطنها

(( ومستوطنات النقيلي )) ماأدانيها..!!

والشاعرية ولو تفقد توازنها

تلقى لها شاعرٍ يقدر يساويها

(( وهزيلة الشعر )) غيري لو يسمنها

الكحل \ لامن كثر باالعين يعميها

وإن كان غيري (( سيور الغير )) يدهنها
أ
نا أقطع سيور من كبرت علابيها..!!

ماجيت للعاقلة من شان أجننها

ولاجيت أحرض على الأيتام , واليها

جيت أقهر قلوب (( حزب إبليس )) وأغبنها

وآطا على (( صابر المِنه )) وراعيها..!!

والكلمة اللي على بالي مثمنها

واللي بقلبي على لساني مخليها

لو السلامة رقبتي , عيبٍ أدفنها

موت الذيابة ولاعيشة حصانيها..!!

والناس واحد , وتفرق في معادنها

مثل إختلاف الطبيعة , في أراضيها

الحضر كانت بدو , قبل تمدنها
والبدو , صارت حضر \ بعد تبدويها

وعليّ (( نحت القوافي )) من معادنها

ومالازم إن البقر تفهم معانيها..!!



مع إحترامي وتقديري للجميع .........

.............منقوله...........

الله لا يخلينا من اهل السعسعه

مشكـــــــــــــــورين على المرور

يعطيك العافية دختور ,,,


قصيدة رووووووووعة ,,,








تحياتي ,’,’,’,

يعطيك العافيه اخوي دختووور والله قصيدة تحكي الواقع,,,,,,,,,
وصح لسان الشاعر,,,,,,,,,,