{اول} {ماله} {التمر} {ما}{ينطح}{يخون} {و} {فاعوس}{قل} {الاقراب} {لوه} {خانوه} {سوسه} {من}{و}{العيال}

البيت لشاعر ابن دويرج

البيت الثاني هو{مرتب}

يامل عينن مطاولها عن الذات عاموس,,,والقلب كنه يجرحه الزمان ابحد موسه

من قل ماله ولوه ينطح العيال فاعوس ،،، خانوه الأقراب وأول مايخون التمر سوسه

الصريح: ما شاء الله عليك..!!
شاعر بني قحطان : هذا الطرح المميز والا بلاش.

يا سلام على الفكره الحلوه
يا شاعر القحاطين

ويا سلام عليك يالصريح سبقتني

و هذي من قصائد الشاعر اللي اعجبتني

مضــى العـمر أنا والفـقر يـاشـعيل حط وشيل= أنا اقواه يــوم وباق الأيام يقوانــي
أدير الروابــع ليــن يقــبل سمــار الليـــل= إليا رحت مع ســوقٍ ابغديه لاقــانـــي
قــلبــني ولــه مـع ســاقـتي مــثـل رجـد الخيل=علــى وصــلتــي للبـاب ولاّه يــتـنــانــي
تـنابزت أنا ويــاه ثــمٍ نخــيت شـــعـــيـــل= بــكي الورع مـــاله حــيلــةٍ منـه يـاقـاني
وذي حــالــة الدنــيا متــى ما أجــنفــت بالميـل= لقــيت الحــصـينـي يــفرس الذيــب ســرحـــانـي
وأنا فـــي عــنيزه عــلــّها مدلهــم الســيل= لــيا مايجــي للســيل بالســوق غــدرانـــــي


ولتعريف الشاعرهو عبد الله بن علي بن دويرج من احد قرى السر توفي عام 1365 هـ

(((((القصه منقووووووووووووووووووووووووووووووووووووووله))))

الشاعر بن دويرج رحمة الله عليه من الاغنياء وهو رجالا معروف

لطيف وذرب وله احترام وشان عند الناس وعند جيرانه


الحاصل ان ابن دويرج تزوج له حرمة وانجبت له ولد وماتت

ويوم كبر الولد راح وخلاوه ...

الحاصل انه تزوج من وحدة متوفي عنها زوجها بعد مدة ..

حرمتن مرتبه ونظيفه وذربه وظفره وشغلها زين

ومرتب ونظيفه وطبخها للقرصان اذا جابتهن مافيهن

ماء زايد ولاهن ناشفات مره ..مهذى عليهن قرع

والبدجان تحطهن اربع شلخ عشان اسهل للشويب يجرها بعرقها

وتقطع اللحم على كبر محاية المرسم وتخليه طعم وزين

لاخذى له ردتين أوجس طعمه حدر طاقيته هنيا

هذولن الحريم الظفرات اللي يطبخن تسذا عاد وين تلقاهن ذول..

والجريش تزينهن لين تخليه تسنه دماغ جربوع مممممممم

عاد من شايفن دماغ الجربوع والله مادري لكن يضربون به المثل

الحاصل

ان حريمته مدللته ومراعيتن خاطره لادخل مير تسنه ضيف

تهلي به وترحب وهااه سم وش خاطرك فيه ..

المهم ...لاجاء الظهر وجاء للبيت الا كنه ضيف ..

لاطق الباب تفتح له وتاخذ عصاه وتعلق بشته ...

الاوهي مولمتن له مريكي مكيين برا ورا القهوه وتقعد قباله

وتقلط له هكالقدوع اللي يصرصر صرصره مصبوبن عليه دبس

غادين تسنه رووس ( ........) <<<< عفوا والله ما ادري وش قال

وتقهويه من هكالقهوه اللي تقعد الراس ..

الحاصل..انه رزقه الله ببنيه من هالحرمه كبرت البنيه

ولا فيها جمال سبحان الله العظيم سبحان الله الخالق

يهبل ما تقدر تناظر بها اكثر من ثلاث دقايز

عليه هكالمبسم اللي ياااااااالله تدخل معه العنبه

ويدياته تسنه مقرصهن نمل وعراتسيبه وش حليله

عااااد ما ماحنا مدققين ..

وامه معودتها على الستر من يومها صغيره تحنتسها (تحنكها )

يعني تحجبها .بالشيله تسذا ...

وتحني يدياتها كل خمس طعش يوم تحنيها اذا نامت تربطهن

بقماش وتصير كنها في ملاكمه ..

المهم كبرت البنيه وصارت تخفرعن الناس ولا تطلع على كل الناس

وصارت هي اللي تقوم بخدمة ابوه تلبسه بشته وتلبسه نعاله

وتطالع خاطره وصارت بالحيييل غااااليه عنده ...

الا الرجال اذا طلع ابوه من المسجد يقعدون يحببون راسه

والله ياجبهته انحفرت من كثر التحبيب .. من شان زين هالبنيه

الحاصل ..يوم جاء يوم من الايام الله لا يعيد الشر ..والا ايام شتاء

ولا يوم جاء مصلي الاخير ...والام بالقهوه شابتن هكالجمـر اللي

ماله رماد ولا دخان ..جمرا تسنه كرز .الا فيه ذاك هكالمريكي

ابو ثلاث رجلين جنبه الدله منا والقهوه ودلة الحليب .

جاء هو مصلي .قالت له : تعال تعال في ذا .

الا بوه هكالمركى محطوطنله جنب مسوى القهوة

جاء هو وقعد يوم ارتكى على المركى قالت الام

تبي نصب لك قهوه قبل ولا (حليبه ) <<< تصغير حليب

قال والله اللي زاهب ..

قومي يالام والقطي البياله وصبي له الحليب ..يوم شف الحليب

الا هو بارد ..قال هاااه تسنه بارد الحليب شوي..

قالت ..لا لا لا نسخنه هلحين ..

قال قومي يابنبتي الله يصلحتس خذي روحي جيبي لنا حطب

وعويدات رمث بس وانا ابوتس لا تجيبين من الطوال جيبي من

القصار اللي يدخلن تحت المركى ..

قامت البنت وخذت السراج وراحت للحوش تبي تلقد حطب

الا لقطت ثلاث قصار وهكالعود طويلا بالحيييل جت تبي تكسره

على ركبتها ..الا وطق السراج وينكب قازه ويطفي

جت تلمس في الحطب يوم تلمست .الله يدفع البلا وهي تقرص

مع صبعها .وهي تجي لم ابوه وامه وهي متصبره وهي تألم

ماتبي تبين لهم ولا تبي تزعجهم ..الحاصل راح الليل الا يوم

كاد عليه الوجع ..دلت تقلب وتسدح ..

اركضوا يااهله واستنفروا الجيران ..ويحطون عليه عجينة تمر

ومادري وشو بعد ..المهم مافيه فايده ..

يوم .يومين ويوم جاء نهار الثالث وهي توفى ..الله المستعان

والا يوم انحشت تسبد الابو قعد يجي اربعة اشهر وهو مثل الجرح

اللي قاطبن على بلا صدره .كل ما تذكرها تزفر هكالتزفر

اللي الله لا يجيلكم ...

ان ناظر الباب هذا في البيت ذكرها يوم انها واقفتن عنده

ان قلطت له الام مواعين يذكره يوم هي تجيب له الماء ..

وبس يتصدد ويهرمع من البتساء ( البكاء ) ويدعيله

جاء اربعة اشهر والله ياغدا قلبه جروح وتجرحت عيونه من البكاء

المهم .من شدة أيمانه صبر وتحمل ...

وقال هذي القصيدة المؤثرة يرثي بنته ...

ملاحظة ..

قبل ابتدي بكتابة القصيدة اعذروني لو وقعت كلمه انا ماني

مستوعبها أي اكتبها خطاء لاني نقلت القصة والقصيده

من شريط كاست و احيانا تمر الكلمه دون ان استوعبها

هذا للاهميه ...

اليكم القصيدة المؤثره ...




عـفى الله عن عين حلا النوم جافيها
...............كـراها قـليل وذارف الدمع محفيها


الـى قـلت الاياعين هيدي وهودي
............ جـرى دمعها الصافي وهلت عباريها


تـبين فـروع الصبح ماذاقت الكرى
....... ... ولا لـوم عـين فارقت شوف غاليها


ولا زل يــوم او لـيلة مـاتعبرت
........ عـن الـنوح اعـزيها ولاني بقاويها


وانـا فـي رجا جزل العطاعالم الخفا
.......... يـلطف بـحال خـافي الـهم باريها


عـلى نـور عيني لب قلبي ومهجتي
.......... تـحن الـضماير كـل ماحل طاريها


حنين الخلوج اللي عن الضير فاختت
........... الا غـاب عـنها سـاعة مـايباريها


وانا كيف ماابكي طفلتن غضت الصبا
.............. حـوريـة سـبـحان رب مـسويها


نـشت بـالهدى والدين والحق والبها
.............. فـلو طـالت الايـام مـانيب سيها


فـيـها طـبـوع كـاملات حـميده
........... حـنون على الجيران ووصال عانيها


عـفيفة نـظيفة جيب ماداست الخطا
........... ولا هـوجست بالمذهب اللي يزريها


حـشا مـابها من خافي العيب ذارب
........... حـذا حـشمة الـوالد فهذا فهو يها


كـمل عمرها ثنتين مع عشر واربع
............ حـذا مـحترمها تـسفهه لو يحاكيها


خـذت هـجرة في البيت عندي قليله
............. أمـانه وخـذها الخير اللي عطانيها


ولانـيب جــزع فـلا شـــك ولـعه
.............. اعـرف الأمـانه مـالها غير راعيها


فـياسامع دعـواي فـي مظلم الدجا
............ تـمحا جـرايمها وتـثبت حـسانيها


وتـجعل لـها فـي جنة الخلد منـزل
............ تـقطف جـنا جـنات طيبا وتجنيها


وتـعيضها فـي ما قصر من شبابها
............ بـرضاك يـاخلاقها وانـت والـيها


إلـهـي ودودي دعـوتي تـستجيبها
............ عـلى الـنفس كله من غلاها نبديها


الا واتـكدر خــاطري مـن فـراقها
............. ولـولا غـلاها مـا تـكلفت راثيها


سـمي دمـوع المزن في غبة البحر
............ سـوى البنك مايدرك ثمنهاويشربها


وانـا مـابي الايـوم يـطرى سميها
.......... عـفى الله عن عين حلى النوم iiجافيها


وصلوا على من لا افترا سيد الورى
......... عـدد ماجرى من رايح المزن واديها



وسلاااااامتكم ...


ملاحظة...

الخلوج هي الناقة

الضير على ما اعتقد صغير الناقه .

قصيدة رائعة وقصة أروع...
شكرا على القصيدة وشكرا على أشياء أخرى...

الضير يا اس ام اس:هو ما توهم به الناقه بعد موت حوارها{ولدها}بولد ناقه اخرى قد تكون ماتت او تم بيعها لتقوم برضاعته اللذي يسمى {الريام}عند الباديه