|
|
آخر المشاركات |
|
|||||||
| التسجيل | التعليمـــات | المجموعات الإجتماعية | التقويم | حرب المنتدى | البحث | مشاركات اليوم | اجعل كافة الأقسام مقروءة |
| بوح الخفايا وهمس القوافي قصـائـد وخـواطـر و نثـر و ادب " المنقوله والمختاره من قبل الاعضاء " |
 الإهداءات |
 |
16 May 2007, 03:13 AM
|
رقم المشاركة : ( 21 ) |
|
{ كاتـب مميـز }
|
3- من التصوير الفني والخيال اللي يسمونه : الكناية وهو أن الشاعر يحط في شعره كلمة أوكلام مايقصد به المعنى الاصلي لكن ممكن انه يقصد المعنى الاصلي ويكون فيه علاقه بين المعنى الاصلي والمعنى غير الاصلي مثل قول الشاعر : كم ليلة عشاك حرش العراقيب و(حرش العراقيب) هذي كناية عن الصيد أو الفرايس وهذا يدل على أن العشا اللي حصلتا عليه يها الذيب بسهولة أيام حياة هذا الفارس المرثي ماكنت تقدر تحصله لحالك فهوصعب وقوي شف انه قال قبل ذاك البيت ياذيب انا باوصيك لاتاكل الذيب ومن الكناية قول تركي بن عبدالله بن سعود يحث ولد عمه على الهرب من الأسر
ياحيف ياخطو الشجاع المضرا= في مصر مملوك لحمر العتاري
وقوله (حمر العتاري) كناية عن الأتراك أوالمصريين اللي أسروا ولد عمه والعترا هو اسم للرقبه من ورا يعني ماقال في مصر مملوك للاتراك او المصريين علشانه قعد يتخيل هاللي مسكو ولد عمه ويتخيل اشكالهم وقول محمد بن مسلم في الغزل
تشرب من الما بارد في زجاجه= في روشن عن واهج القيظ مصيون
وهذا كناية عن النعمة والراحة والرفاهية وانها ماتعرف التعب ومعنى هالشي ان جمالها ماغيره او أثر عليه شقا وتعب الحياة وكدها اللي يعيشن فيه بنات زمنها وجنسها وقول بركات الشريف لولده ينصحه
واحذر تلقي الضيف مقرن علابيك= خله صديق لك محب إذا جاك
وقوله ( مقرن علابيك ) كناية عن الإعراض وترك إكرام الضيف ليش ؟ لأن اللي يعطي الضيف مقفاه معناه انه ماراح يكرمه لأن العلابي وهي في الرقبه من جهة الظهر ماتنشاف الا اذا صار الواحد رايح وملقيك قفاه وقول لبيد العنزي :
والعبد ماله مد من غير ربه= ولامد الا مد منشي السحاب
و ( منشي السحاب) هو الله سبحانه وهذه كناية وقول دبي بن جهز المطيري يمدح مليحان بن بصيص
عندي خبر مدهال عكف المخاليب= لاشك مهمومٍ براسه تعليت
فقوله (عكف المخاليب ) كناية عن الصقور يعني الشاعر يقول اني صرت اعرف وين مواقع الصقور في روس الجبال ومارقاني الا الهم والكناية من الفنون التي كثر منها الشعرا ودايم نسمع او نقرا عبارات أوأبيات فيها كنايات 1- يا كناية عن صفة 2- أو كناية عن موصوف فمن الكنايات عن موصوف قولهم (طوال الشوارب) يعني الرجال اللي لهم منزلة وقيمه و( لابسات الخلاخيل) كناية عن النسوان و(ذباحة الحيل واهل الهيل والبنا ) مثل ما قال خلف بن هذال كناية عن موصوف وهم أهل السعودية و(مبرقعات العيون) كناية عن الصقور و(صافي الخد) و(براق الثنايا) كناية عن المحبوبة ويقول العوام لقيت لي (أسيود راس) كناية عن إنسان ومن الكنايات عن صفة قولهم : فلان (كثير الرماد) كناية عن الكرم لأنه دايم يشب الحطب ويقدم القهوه والشاهي مثلا و(ضحوك السن) كناية عن سعة الصدر والتفاؤل و(ذباح السمين) و(عدو الدراهم) كناية عن الكرم و (سم العدا) كناية عن الشجاعة و(بيضة ديك ) كناية عن ندرة هالشي وعدم الأمل في تكرره ومنها قول الشاعر
يعيالي اوفوني عليكم مطاليب= شابت لحانا يوم نبتت لحاكم
فقوله( شابت لحانا) كناية عن الكبر والضعف و(نبتت لحاكم ) كناية عن الشباب والقوة وقلت في قصيدة لي :
مع شاهي ماتختلف فيه الارياق= فوق الجمر مابان فيه المرارة
والكناية في قولي (ماتختلف فيه الارياق) وهذي كناية عن صفة هالشاهي وأنه مقبول لكل من ذاقه ويقول محمد ابو دباس
جنبت وسط السوق وامشي مع الساس= وآخذ شوي الحق واترك كثيره
وهذا البيت كناية عن صفة وهي الذل والضعف ونلاحظ أن المقصود من الكناية مهوب المعنى الظاهر لكن مايلزم من المعنى الظاهر أو مايفهم من المعنى الظاهر مثلا شابت لحانا المعنى الظاهر بياض اللحية والمعنى البعيد المكنى عنه هو الكبر ولاحظ ان فيه علاقة بين شيب اللحية وبين الكبر غالبا مثل ما هو معلوم وفي بيت ابو دباس هذا مايقصد المعنى البسيط الظاهر للي يقراه مع أنه يجوز أن يقصد هذا لكنه يقصد الضعف والذله مثل ما قلنا علشان كذا الشاعر مايحتاج يقول كبرنا وضعفنا لكن خلاك تغوص في المعنى مع الخيال ومن الكناية نوع يسمى التعريض وهو أن الشاعر يذكر صفة فيها ذم أوهجاء مهوب صريح مثل قول الشاعر
جدك يصيد المها ومولع بالفلا= له بندق زلزل الضلعان بارودها
يعرض بجده أنه صلبي لأن من طبايع الصلب البراعة في الصيد طيب هل كل من عنده براعة في الصيد نقول انت صلبي ؟ طبعا لا مثل ماقلنا ان الكنايه كلام يتعدى المعنى الاصلي الواضح الى المعنى المختفي (المتوزي) ورا الكنايه وممكن اقول لاحد مثلا :أن جدك يصيد المها ............الخ وانا أقصد المعنى الحقيقي وهذ هو سر الكنايه ومن التعريض بعد قول تركي بن عبدالله بن سعود يعرض بولد عمه الماسور في مصر في قصيدته اللي مطلعها
سر ياقلم واكتب على ماتورا= أزكى سلام لابن عمي مشاري
والتعريض هو في قوله
وانا احمد الله جاب لي مااتحرا= واذهب غبار الذل عني وطاري
يعني كنه يبي يقول : إنك يولد عمي مازلتا تعيش في هوان وذل بدون مايصرح بهالشي ====================================== اتمنى يكون الشرح واضح واتمنى ايضا المشاركه بابيات فيها كنايه ودمتم بود =========== |
|
|
|
|
|
18 May 2007, 01:47 PM
|
رقم المشاركة : ( 22 ) |
|
{ كاتـب مميـز }
|
مجموعة من الابيات اللي فيها كنايات ( تذكر ان الكناية مافيها تعبير صريح ) وهي لابن لعبون والهزاني
اسأل الأطلال عن سود الحدق= حيث علمك بالطلل علم وثيق
سود الحدق : كناية عن معشوقاتهويقول ابن لعبون عن البنات الجميلات :
اترعن كاس الهوى لي واندفق=كاس عذري الهوى راعي الحريق
وعذري الهوى .....كنايه عن الهزاني وقال ابن لعبون :
عفيف الجيـب مـا داس الملامـا = ولا وقف على طـرق المخـازي
عفيف الجيـب : كناية عن الطهارة والبعد عن الشبهه
ليالـي مشربـي صفـو المدامـا= وثـوب الغـي منقـوش الطـراز
كنايه عن التمتع بالحياة وبيت اخر في قصيدة اخرى
لو ينشكي حبي على طير قرنـــــاس=أضـحى الضحـى بمويـكـره مستكنـي
اضحى الضحى بمويكره مستكني : هذا كناية عن الموت و للهزاني :
قمت اتنشّق ريحتـه بين الاطيـاب= وانشق شـذا ورد بعرف الهباهيب لمـا تحققته الى نفـحت اسلاب= صافي الثنايـا سيد جمـل الرعـابيب ختله نقا عشب عليه الحيا طـاب =او عـطر شامي من مغـانيه له جيب صافي الثنايا كنايه عن جمال محبوبته ونرجع لابن لعبون
والعز ما يعني لمن لا عنا له=يا شارب بكفوف غيره من اوشال فيه كنايتين 1- ياشارب بكفوف غيره ====كنايه عن الاعتماد على الغيرهذا ومن قصت يمينه شماله=خسران في حاله مع غالي المال 2- من قصت يمينه شماله ==========كناية عن اللي جنى على نفسه بنفسه ثم قال
ياليت غضات البني مابكنه =ولاعليه الرمل بالقبر ينهال
مابكنه و عليه الرمل بالقبر ينهال ----------كنايه عن الموت يعني ياليته مامات لاحظ ان الشعرا مايحبون التعبير الصريح شف ان الشاعر ماذكر كلمة الموت او مات لكن حنا فهمناها من الكناية وكنايات اخرى له
امك وابوك وكل ذيك القرابات=محد يسد السيل عنك بعباته
كل الشطر الثاني كنايه عن صفة وش هالصفه ؟ العجز والضعف
واللي بكفه صيرم او سلاله=مثل الذي خضب يمينه والاشمال
الذي خضب يمينه والاشمال كنايه عن موصوف وهو المرأة
خطلان الايدي كالاسود الهزابير=مقابس للحرب وان شب ناره
-----خطلان الايدي ومقابس للحرب كنايه عن صفة الشجاعة ثم قال
منداتهم يشبع بها السبع والطير=بيوم تغيب شمسها في نهاره
يقول منداتهم يشبع بها السبع والطير هذي كنايه عن كثرة القتلى من العدو ومنداتهم يعني معركتهم ============
خذ ما تراه وخل عنك الخماكير=من شق جيب الناس شقوا وزاره
الشطر الثاني كنايه عن صفه وهي ان الجزاء من جنس العمل والبادي اظلم
أبات الليل في رجوا صباحه=وادق من الندم بالعود سني على فقدي لغزلان الملاحه=طويلات المعانق واسفهني ولا ثوبي غدا يطرخ اشلاحه=يدق القاع ردنه وامتثني ولا اردح جزت من ذيك الرداحه=عقب خبرك ليال لي مضني ثوبي غدا يطرخ شلاحه ------------كنايه عن العز والتكبر
شاقني يا علي قمرا وربيـــــــع =يوم أنا آمر وكل أمري مطــــــاع
الشطر الثاني كناية عن العز اللي كان فيه ويقول
احسب رفيقي يستحي من ظلاله = واثره إذا شاف المواليم خيال
واثره ......خيال : كنايه عن الجرأة ثم قال
الصدق يبقى والتصنـع جهالـه= والقـد مالانـت مطاويـه بتفـال
(القد : هو الجلد اليابس اللي يجهزونه للدباغة ) الشطر الثاني كنايه عن ان الامور تبي جد وعزم تحياتي ====================== ==================== ================= ============= ========= ==== == = |
|
|
|
|
|
|
19 May 2007, 07:20 PM
|
رقم المشاركة : ( 23 ) |
|
{ كاتـب مميـز }
|
4 من التصوير الفني والخيال شي يسمى المجاز المرسل والمجاز العقلي وهو من طرق البلاغة والبيان والجمال في الشعر واستخدموه الشعرا في كثير من قصايدهم علشان فيه تعبير موجز عن معنى كبير والمجاز المرسل هوأن الشاعر يستخدم كلمة وهو يقصد كلمة ثانية ماقالها طيب ليش ؟ علشان فيه علاقة بين الكلمة التي استخدمها والكلمة التي قصدها ولازم يصير فيه دليل على أنه ما قصد المعنى الأصلي للكلمة التي استخدمها فهو وش سوا ؟ طبعا تجاوز المعنى الأصلي إلى معنى آخر فهو استخدم الكلمة علشان يجتاز بها للكلمة اللي يقصدها وهذا اللي يسمى مجاز طيب مدام حنا قلنا فيه علاقة بين الكلمتين وش هالعلاقات اللي تخلي الشاعر يقول كلمة وهو يقصد كلمة ثانية ؟ 1- من العلاقات أن نذكر النتيجة وحنا نقصد السبب مثل قول عضيب بن شلاح الحربي ياصف القهوة
كيف يجوز لشارب الكيف والكار= لو دوروا به غمزة مالقوا به
وشارب الكيف يعني شارب القهوة ذكر الشاعر كلمة (كيف) وهو يقصد كلمة( قهوة) لأن الكيف نتيجة لشرب القهوة فذكر الشاعر النتيجة( الكيف) وقصده السبب (القهوة 2-من العلاقات أن الشاعر يحط السبب وهو يقصد النتيجة مثل قول الشاعر جديع بن قبلان العنزي
ياليتني ياطير مثلك واولِي= وافيض العبرة بروس العوالي
قال (أفيض العبرة ) يقصد أفيض الدموع لكن قال أفيض العبرة وهذا من فنون المجاز شف انه ذكر السبب (العبرة) وقصده النتيجة (الدموع) فالعبرة هي سبب فيض الدموع مثل ماهو معروف وقول الشاعر
جدك يصيد المها ومولع بالفلا = له بندق زلزل الضلعان بارودها
طيب البارود مايزلزل الضلعان اللي يزلزل الضلعان هو صوت البارود وهذا قصد الشاعر لكن وش علاقة البارود بالصوت؟ ليش ذكر البارود وقصده الصوت ؟ هذا لأن البارود سبب والصوت نتيجة 3- من العلاقات أن يذكر الشاعر الآلة وقصده اللي تقوم به هالآلة من عمل يعني مايقصد الآلة نفسها مثل قول بركات الشريف ينصح ولده مالك
ابذل لهم بالطيب ربك ينجيك= ولاتخضع الميزان مع ذا ولاذاك
شف الشاعر حط كلمة الميزان وقصده الحكم لأن الميزان هو آلة الحكم والعدل ويقول عبيد العلي الرشيد
والناس ماتسقيك الى صرت عطشان= لاصار ماشرب الولد من ذراعه
طيب الولد مايشرب من ذراعه لكن يشرب بها والشاعر حط كلمة ذراعه للي تقوم به الذراع من توصيل الما لفم اللي يشرب فهي آلة التوصيل ولاحظ المجاز من هالنوع في قول الناس : عطيته عصا وعطيته كف يعني طقيته بالعصا وضربته بالكف لأن العصا والكف من آلات الضرب 4- من العلاقات أن الشاعريذكر في شعره بعض الشي وهويقصد كل هالشي (يذكر الجزء وهو يقصد الكل ) وهذا كثير في الشعر النبطي ومنه قول الشاعر
واخير منها ركعتين بالاسحار=لاصار ولد اللاش نومه خسارة
والمجاز في كلمة ركعتين شف ان الشاعر ذكر الجزء (ركعتين) وقصده الكل وهو الصلاة لأن الركعتين جزء من الصلاة وقول محسن الرويلي
لاياخلف كفاك شر ركبني= والعين عيت من بلاها تنامي
طيب مادام العين عيت تنام فجسمه اكيد مانام شف انه حط الجزء او البعض وهو (العين) وقصده الكل وهو : جسمه وقول بركات الشريف يسند على ولده
موت الفتى في كل دو سملق= خالي من الاوناس قفرجوانبه
والمجاز في كلمة جوانبه لأنه إذا كان هالمكان قفر جوانبه فكله قفر والشاعر مايقصد أن ها المكان اللي يموت فيه الفتى مقفر وخالي بعضه وبعضه مخصب لكن قصد الشاعر أن هالمكان كله خالي ومقفر مافيه حياة معناه ان الشاعر عبر بالجزء (جوانبه) وهو يقصد كل هالمكان ========================================== للحديث بقية إن شاء الله |
|
|
|
|
|
|
29 May 2007, 01:47 AM
|
رقم المشاركة : ( 24 ) |
|
{ كاتـب مميـز }
|
من العلاقات أن يذكر الشاعر الكل وهويقصد الجزء مثل قول ابن شريفة العنزي يمدح
تسعين ليلة راكبين على الجيش= بظهورهن قمنا نهوم الديارا
شف انه ذكر كلمة الجيش وهي الكل وقصده الجزء وهو الناقة أو الحصان فهم ما ركبوا الجيش لكنهم ركبوا النياق أو الخيول وهي جزء من الجيش ويقول الناس كلنا النخلة ويقصدون ثمرها فذكروا الكل (النخلة) وقصدوا الجزء (التمر) ومعروف أنهم ماياكلون يأكلون العسبان ولا الجذوع والكرب وهذا دليل على أن المقصود مهوب الكلمة المنطوقة في البيت وفي كل مثال أو بيت شعر ذكرته في المجاز المرسل لابد من وجود دليل عقلي أولفظي يمنع من قصد المعنى الأصلي ويقول الحميضي : مادام نور القمر معنا نتقدى به واللي معهم هوجزء من نور القمر فذكر النور وقصده بعضه طيب يمكن واحد يقول هذا معروف ومايحتاج توضيح اقول صح لكن مهوب كل احد يهتدي لهالشي او حتى يطبقه في شعره وهذا المهم وفيه شي ثاني وهو ان هالخيال في المجاز تعودنا عليه من كثر مانستخدمه في كلامنا فصار كنه حقيقه 6—ومن العلاقات أن يذكر الشاعر الحالَ (بتشديد اللام) ويقصد المحلَ (بتشديد اللام) ومن الشعر النبطي قول حنيف المطيري يمدح نايف بن بصيص
وان غار ورد قصيرين المجاذيب= كنك على هداج جمه يزومي
ذكر الشاعر اللي حل بالمكان (هداج) وقصده المحل (البير( فالمعنى كنك على بير هداج ويقول الناس إذا عصبوا على احد : في بليس يعني في مكان بليس وهو النار 7-ومن العلاقات أن يذكر الشاعر المحل ويقصد الحال فيه مثل قول راكان بن حثلين
ياما حلا الفنجال مع سيحة البال= في مجلس مافيه نفس ثقيله
والمجاز في كلمة الفنجال شف انه ذكر المحل وهو الفنجال وهو يقصد الحال فيه وهو القهوة لأن الحلاوة اللي يقصدها الشاعر مهيب في الفنجال لكنها في القهوة اللي في هالفنجال وقول ابن لعبون
يامنازل مي في ذيك الحزوم= قبلة الفيحا وشرق عن سنام
ذكر المحل وهو منازل مي وقصده اللي حل بها من حبايبه وقول شاهر المطيري يرثي اخوه
يعيال مامريتم اليوم يعيال= في دربكم قبر جديد الاثاري
ويقصد بالقبر ساكن القبر وهو أخوه لاحظ أنه ذكر المحل (قبر) وقصده الحال بالقبر وهو أخوه ويقول نمر بن عدوان في رثاء زوجته
ياحفرة يسقي ثراك الغماما=مزن من الرحمة عليها يصبون
وقصده بالحفرة الميت الموجود فيها وهو زوجته يعني ذكر المحل (حفرة) وقصده الحال فيها (زوجته) ونلاحظ هالنوع من المجاز في قول الناس شربت فنجال وكلت الصحن وشربت بيالة وكل هذا من المجاز يعني شربت قهوة وكلت الأكل وشربت شاهي - 8 يمكن يذكر الشاعر كلمة عن ماكان عليه الشيء وقصده ماصار عليه هلحين مثل قول مخلد القثامي العتيبي يصف شجاعته وشجاعة من معه وكان مع جيش الشريف
مافوقهن الا العيا ل القواطيع= طريحهم بالعج ماله منيعي
لاحظ أنه ذكر كلمة العيال وقصده الرجال الشجعان فالشاعر ذكر ماكانوا عليه قبل (العيال ) وقصده ماصاروا عليه هلحين (الرجال) - - يعنى أن الشاعر يبي يستخدم كلمة الرجال فتركها واستخدم كلمة تدل على ماكان عليه الرجال في الماضي وهي كلمة العيال 9—او العكس يعني يمكن يحط الشاعر كلمة تدل على اللي يبي يكون وقصده شي قد كان في الماضي مثل -
يخض زبده في ذرا كل مشراق= مالوعة الدنيا بشي طرا له
يعني يخض لبن لأن الزبدة كانت لبن و الزبدة ما تخض فالشاعر حط اللي يبي يصير (زبدة) ويقصد اللي قد كان ( لبن) ====================== للموضوع بقيه |
|
|
|
|
|
| أدوات الموضوع | إبحث في الموضوع |
| انواع عرض الموضوع | |
|
|
العرض العادي
