السلام عليكم ورحمة الله وبركاته

تحية طيبة لجميع منسوبي هذا المنتدى الغالي

الاسم المناسب لهذا المجلس :
وسع صدرك // وابلع ريقك // ترى القشر مايفيدك

اتضح المقصود من هذا المجلس : انه لسعة الصدر

أيضا ممنوع القشاره

باختصار : الشــــــــــــــــــــــــروط

1) خاص بالرجال

2) يمنع فيه الهمز واللمز ومن باب اولى السب والشتم

3) عدم التطرق لمن هم خارج المنتدى

4) عدم الغيبة والنميمة

5) الالتزام التام بشروط المنتدى العامة

أخيــــــــــــــــــــــــــرا :

أوصيكم ونفسي بتقوى الله عزوجل في السر والعلن فهي خير زادكم في الدنيا والآخرة

وعلى بركة الله

هلا عزوز
ونعم بك
ونعم بالإسم الجديد (( وسع صدرك )) أكيد ماجاء إلا بعد دراسة مستفيضة
وأنعم بها من شروط بس فيه ناس تبي من ينتف أذا نها قبل الدخول بس الظاهر لها ضلوع قوية مرتكية عليها --- ولا عليها من الشروط ههههههههههههههههههههههههه
من ناحية إبلع ريقك
الله من وناحد حاول يبلع ريقة وشرق
والقشر مايفيدك
نسيت يوم ناكل البردقان ((( البرتقال بقشرهـ ))) يعني فيه فايدهـ
ومازلنا ناكل التفاح بقشرهـ
ماعدا الفصفص قشره صح مايوكل إلا عند الضرورة

ولي الشرف أني أول من يدخل مجلسكم المبارك
ودير القهوة يامكاري
معاد فيه مكاري
هالحين فيه
ودير القهوة ياكومار
أو مدري وش اسمه العامل اللي عند المنيع في العزبة
عزوز
ولم القهوة وجب التمر والدخون ترا الجماعة وراي جايين للمجلس

ولا تنسون الدعاء
اللهم اجعله منزلا مباركا وأنت يارب خير المنزلين
بسم الله بسم الله بسم الله

أعوذ بكلمات الله التامات من شر ماخلق
أعوذ بكلمات الله التامات من شر ماخلق
أعوذ بكلمات الله التامات من شر ماخلق

ولا ننسى دعاء كفارة المجلس عند الخروج

عَنْ أَبي هُرَيْرَةَ رَضِيَ اللهُ عَنْهُ أَنَّ رَسُولَ اللهِ صَلَّى اللهُ عَلَيْهِ وَسَلَّمَ قَالَ : « مَنْ جَلَسَ مَجْلِساً كَثُرَ فِيهِ لَغَطُهُ ، فَقَالَ قَبْلَ أَنْ يَقُومَ مِنْ مَجْلِسِهِ ذَلِكَ : سُبْحَانَكَ اللَّهُمَّ وَبِحَمْدِكَ ، أَشْهَدُ أَنْ لا إِلهَ إِلَّا أَنْتَ أَسْتَغْفِرُكَ وَأَتْوبُ إِلَيْكَ ، إِلَّا غُفِرَ لَهُ مَا كَانَ في مَجْلِسِهِ ذَلِكَ » .

الصقر الأبيض

أهلا وسهلا ومرحبا

وجزاك الله خير على النصائح المفيده

وأحسن شي انك أول الزائرين علشان نسولف وناخذ راحتنا قبل مايجون الضيوف

أما من ناحية المخالفات اطمئن ( لو أن فاطمة بنت محمد سرقت لقطعت يدها )

مافي الشرع واصطات

ياليتك ماتسرعت بالإجابة على مسابقة المعلم كان اعلمك الإجابه
أما الآن مافيه فايده لأن من شروط المعلم ان مالك الا إجابه واحده فقط
يعني : معلم صارم بس أشوى مامعه عصا

ما شاء الله عليكم
يالشقردية متوزين في ذا الزاوية وتناجون
وش سالفك يالصقر اليوم ضعت في الطوشه وظيعت العالم معك
بيت فلان وبيت فلان والمشكله كلهم من عائلة وحدة والبيوت متفرقة
تقول تفصيل الباب خاص بالعائله
ولكن الوعد قدام

المعلم

حياك الله في المجلس

الصقر الابيض مدري لياه منكسر جناحه ماشفته اليوم يحوم على الديره

والمشكله عنده ان الاسبوع عند الطيور اعشور يعني يضيع يوم الاثنين لازم تذكرونه

المسابقه من ليلتها

اووووووووووووووووهوه . .
ما نقصكم الا هالكراثـ , , . .
< يبي .. يتمزع . , ,

. . المعلم . . انت تشوفـ القضيه الي رافعتها الولايات المتحده كحمايه لحقوق الانسان على دول الخليج وعلى امير اماراتي . . خاصه . .مدري هو امير ولا لا !! . .
. .بسـبـ ,, مسابقة الهجن الي يستخدمون فيه الاطفالـ كفرسان . .

. . وش يعني هذا . . يعني انتبه لنفسك ولمسابقتك . .
ترى تقرير القناص موجود . . بس ما بقى الا الارسالـ , ,
وعاد انا الصدز مشتاقـ لسوالف بوشـ , ,فتسذا تعرف وش المطلوبـ منك . . ما يحتاج توضيح

حياك الله حمووودي
وابشرك هاهو المجلس تم افتتاحه من جديد بعد ان تمت تجربته فيما مضى

والأن تم افتتاحه بشكل رسمي

سولف على كيفك واياك والمخالفات ترى محمد والم للانذارات

وينك يالصقر الابيض

هل تقبلون...
اعضاء مستمعين فقط...

انا احدهم...

حمودي للمعلومية ترا الشعبه متصل علي وعارف الباب وقلت له علم حمودي تراه يستاهل ولكن الرجال قال أنا مخلي الجواب لغير حمودي
ياخي مدري وش بلاه متغير عليك !!!!!!!!!!!!!!!!!!!!!!!
واتحدى الشعبه ملك اللعبه ينكر ذلك
وللعلم ترا إن رفعت الأوراق لأمريكا ابحول المسابقه لإيران
ههههههههههههههههههههههههههههههههههههههههههه